The written word is the result of personal insight. Days and nights of contemplation tuned into shape. This is where words become core for survival.
Għajjejt
Għasfur tal-bejt;
Għajjejt,
nittajjar ħafif,
nistenna t-tqaħqieħ jgħib.
Għajjejt b’dil-qalb,
li tħobb lil għajrha
bħalha nnifisha.
Nixtieq naqlaha,
narmiha u nirfisha.
Għajjejt.
Kif nitbissem insejt.
Forsi niftakar ma ndumx
qabel jiksaħ it-té.
Gezi
Imħabbta t-Turkija
Filosofija.
Il-għodwa,
il-lejla.
Il-għodwa,
mhix Maltija.
Gallarija.
Fil-baħħ
Fil-baħħ, taħbit qalbek
u l-kitarra tal-Verdena
Fil-baħħ, qanpiena tal-gmail,
ħabib qed jismagħni.
Fil-baħħ, ħsieb dwarek
qed jifgani.
Fil-baħħ, vapur iredden
u t-tnehida ta’ Katrina
Fil-baħħ tanbur ma’ qalbi,
ħoss riħ tal-plastik.
Fil-baħħ, sħana deżert
u kesħa Ingliża, jitbewsu.
Fil-baħħ, il-muża.
Fil-baħħ, l-uċuħ.
Fil-baħħ, il-baħħ.
Veronika
Timsaħlix wiċċi
biex tgħidli li tħobbni
u titlaq;
tħallini waħdi
mgħobbi b’salib.
Timsaħlix wiċċi
biex tgħidli li tħobbni
u tifraħ
b’maktur satin
mimli dmija.