L-Għarbiel
7 September, 2014
Ħsibijiet elufu kliem biss ftit.L-għarbiel mhux ilaħħaq. Ħarsa ġenwina, kultant titkellem.Kliem maħtuf, mhux maħsub,jimmuta. more
Għebu
7 September, 2014
Tmien xhur stennija
intilfu ma’ berqa.
Bħal berqa.
Għebu.
Bħall-aħħar snin
mimlija mħabba
li llum itterter fil-kesħa
ta’ għaraq Awwissu.
Tmien xhur stennija,
intilfu ma’ berqa.
Destin.
Veduti mnejkin
mimlija ħoss, kuluri.
Illum iżarżru ċaflis
ta’ meraq lumija.
Jieqaf il-ħin
biex nifhem.
Inħares x'imkien ieħor.
Pass ieħor.
Sabiex nintilef
f'ħarset mara tal-maġija.
Ma rridx
7 September, 2014
Ma rridx nikteb,
għax il-kitba tixlini,
għax jekk nikteb, tifhimni
u għajnejja taqrali.
Għannaqni
7 September, 2014
Ħallihom it-trabijiet ħa jorqdu
Fid-dlam, fl-uġiegħ, fil-ġirja.
Taħlix ħin.
Għannaqni sakemm tgħejja.
Sakemm ġranet jgħaddu
u l-kalendarju jmut.
Sakemm ma nintebaħx bi ħsiebek
u bħal iblah tarani nitbissem.
Għannaqni sakemm tokrob.
Sakemm qalbek ittir lejn xita bieżla
u tirżah qalb silġ li ma jdubx.
Sakemm nitpaxxa f'ħarstek
u f'ħoġrok tismagħni nibki,
għannaqni.
Perfezzjoni
7 September, 2014
F’siktu taspira li kollox, li kulħadd huwa perfett,
li timxi b’lazz maħlul biex tinżel tixref taħt dublett?
F’siktu toħlom kastelli fl-arja,
u tistaqsi kollox; Malta jew l-Italja?
F’siktu tħobb u timbotta jew li l-imħabba tħottha?
F’siktu ttir bħal farfett?
F’siktu toħlom l’int perfett?
Fwieħa u ħlewwa
7 September, 2014
Fil-lożor ftakart -
wara n-naxra friska,
taħt żiffa sajfija.
Fil-fwieħa u l-ħlewwa li jarmu
fuq soddti,
ilmaħtek tiġbor xagħrek
u stħajjiltni mmelles
għonqok b’xufftejja.
Naqra naqra
7 September, 2014
Pass pass, imxejna;
Ponn ponn, tkissirna;
Biċċa biċċa, nġbarna;
Ftit ftit, dħakna;
Jum jum, xjaħna;
Demgħa demgħa, bkejna;
Bewsa bewsa, tħabbejna;
Kelma kelma, wasalna.
Santa Marija
16 August, 2014
Bum, bum, bum, bum… bum Bum, bum, bum, bum… bum Bħar-re maġi, segwiet l-istilla murtal. Tlieta lejn il-grotta, hi lejn l-irwejjaħ ta’ gallinar. B’ħarsitha ‘l fuq, waqfet quddiem ċorma għażżiena ta’ kurjużi Maltin, b’siġġijiet u… more
Penġi
29 July, 2014
Penġi Pawl,
forsi tinsa, jew taljena.
Minjaf?
Forsi tara l'Alla.
Jew forsi tibilgħek balena.