Articles

F’siktu taspira li kollox, li kulħadd huwa perfett,
li timxi b’lazz maħlul biex tinżel tixref taħt dublett?

F’siktu toħlom kastelli fl-arja,
u tistaqsi kollox; Malta jew l-Italja?

F’siktu tħobb u timbotta jew li l-imħabba tħottha?

F’siktu ttir bħal farfett?
F’siktu toħlom l’int perfett?

Fil-lożor ftakart -
wara n-naxra friska,
taħt żiffa sajfija.

Fil-fwieħa u l-ħlewwa li jarmu
fuq soddti,
ilmaħtek tiġbor xagħrek
u stħajjiltni mmelles
għonqok b’xufftejja.

Pass pass, imxejna;
Ponn ponn, tkissirna;
Biċċa biċċa, nġbarna;
Ftit ftit, dħakna;
Jum jum, xjaħna;
Demgħa demgħa, bkejna;
Bewsa bewsa, tħabbejna;
Kelma kelma, wasalna.

Penġi Pawl,
forsi tinsa, jew taljena.
Minjaf?
Forsi tara l'Alla.
Jew forsi tibilgħek balena.

Il tuono del primo lampo
oggi ha riempito il mio cuore.
Un'eco fredda mi accarezza,
mi attraversa,
finché non ci sento più
e senza accorgermi
esco sotto pioggia intensa
per pulire i miei pensieri sporchi

Lil Malta ninsiha.

Sqallija.
Minn xifer sa xifer, niġriha.
Ċeramika, granita,
muntanji u qaddisin

Issa lura sejrin.

Sqallija.
Inħalliha.
Minn Max u l-maħbubin
għall-ħanxra tal-Maltin

Iż-żiffa kixfet
l-istilel mistħija,
u sikktet lil-lejl,
l-imħabba ‘mgħoddija.

Tajritni sar-raħal;
ir-raħal ta’ Frar.
Malajr qabel jisbaħ,
jsir kollox duħħan.

Nisparixxi.
Strixxi.
Nitradixxi
jew nisparixxi.
Ma’ ġismi, strixxi.
Qoton.
Għaraq.
Nesibixxi
xewqa li nisparixxi.